_1693980289.gif "#")
विराटनगर । प्रदेश १ मा कोरोना संक्रमण र मृत्यु नभएको हिसाबले चार वटा जिल्ला सुरक्षित देखिएका छन ।
प्रदेश १ का ओखलढुंगा, खोटाङ, भोजपुर र सोलखुम्बुमा कोरोनाबाट हालसम्म कसैको पनि मृत्यु भएको छैन । दोस्रो लहरको तथ्यांक हेर्दा पनि यी जिल्लामा कम संक्रमण देखिन्छ । हिमाली जिल्ला सोलुखुम्बुमा कोरोनाको दोस्रो लहरबाट कोही पनि संक्रमित भएका छैनन् । अघिल्लो लहरमा सोलुखुम्बुमा जम्मा ३७ जनामा कोरोना देखिएको थियो ।
सामाजिक विकास मन्त्रालयको तथ्यांकअनुसार संक्रमणको पहिलो लहरका बेला हिमाली ताप्लेजुङमा न्यून संक्रमण थियो । तर, दोस्रो लहरले भने यो जिल्लालाई गाँजेको छ । ताप्लेजुङमा ४१ म्हिला र ३६ पुरुष संक्रमित भएका छन् । चार जनाको मृत्यु भएको छ । हालसम्म संक्रमितको संख्या २ सय १ पुगेको छ ।
खोटाङमा जम्मा ११ जनामा संक्रमण पुष्टि भएको छ । ओखलढुंगा दुई पुरुषमा स हालम्म ६ महिलामा संक्रमण देखिएको छ । हालसम्म संक्रमित हुनेको संख्या ४३ जना छ । कसैको पनि मृत्यु भएको छैन । भोजपुरमा १४ जनामा संक्रमण पुष्टि भएको छ । अघिल्लो लहरको समेत जोड्दा जम्मा संक्रमितको संख्या १ सय ६ पुगेको छ । पाँचथर १ महिला र ६ पुरुषामा संक्रमण भएको छ । हालसम्म मृत्यु संख्या एक छ । जम्मा ३८ महिला र ११९ पुरुषमा कोरोना पुष्टि भएको छ ।
यसैगरी धनकुटा २७ पुरुष २७ महिलमा संक्रमण पुष्टि भएको छ । विहीबार २ जना थप भएका छन् । हालसम्म संक्रमितको संख्या १८८ पुरुष र ९० महिला पुगेको छ । धनकुटाका १२ जनाको कोरोनाबाट मृत्यु भइसकेको छ ।
संखुवासभामा ८ महिला र ४९ पुरुष संक्रति हुँदा जम्मा ७६ महिला ३३७ पुरुषमा संक्रमण पुष्टि भएको छ । एकजनाको मृत्यु भएको छ । यसैगरी तेह्रथुममा ८ महिला र ७ पुरुषमा दोस्रो लहरको संक्रमण देखिएको छ । हालसम्म जम्मा संक्रमित ४७ महिला र ९५ पुरुष छन् । मृत्यु ४ जनाको मृत्यु भएको छ । इलाममा ३० महिला र ३७ पुरुषमा नयाँ संक्रमण देखिएको छ । हालसम्म मृत्यु ९ जना । जम्मा संक्रमण महिला १७६ र पुरुष ७६ पुगेको छ ।
