_1693980289.gif "#")
धरान । २१ औं गोधुली रनिङ कपको उपाधि धरान १४ ले हात पारेको छ । शनिबार धरान १६ स्थित धरान रंगशालामा भएको फाइनल खेलमा धरान १६ लाई हराउँदै १४ ले उपाधि हात पारेको हो ।
फाइनल खेलको निर्धारित समय २–२ गोलको बराबरीमा टुङिगए पछि अतिरिक्त समयमा धकेलिएको थियो । अतिरिक्त समयमा पनि दुवै टिमबाट थप गोल हुन नसके पछि खेल पेनल्टी सुटआउटमा पुगेको थियो । पेनेल्टी सुटआउटमा धरान १४ ले ३ का विरुद्ध ४ गोलको अन्तरले धरान १६ लाई हराएको थियो । धरान १४ ले विजेताको उपाधि सहित १ लाख रुपैया नगद पुरस्कार र ट्रफि हात पारेको छ । उपविजेता बनेको धरान १६ ले नगद पुरस्कार ५० हजार सहित ट्रफिमा चित्त बुझाएको छ ।
फागुन २२ गते देखि शुरु भएको गोधुली रनिङ कपमा धरानका १९ वटा वडाले सहभागिता जनाएका थिए । शनिबार भएको खेलको म्यान अफ द म्याच धरान १४ का नायल श्रेष्ठ घोषित भए । त्यसै गरि प्रतियोगिताको वेष्ट प्लेयर धरान १४ का विवेक राई घोषित भए । उनले ११ हजार नगद पुरस्कार सहित मेडल प्राप्त गरे । त्यस्तै हाइस्कोरर धरान ८ का प्रजिन राई, वेष्ट किपर धरान १४ का राजिव खड्का घोषित भए । उनीहरुले जनही ७ हजार ३ सय नगद पुरस्कार सहित मेडल हात पारे ।
