धरान/ धरान १६ स्थित युएन नवोदय कलेजले विएचएम संकायतर्फका प्रदेश १ पहिले तथा तेस्रो हुने विद्यार्थीहरुलाई पुरस्कृत गरेको छ ।
कलेजले शुक्रबार एक कार्यक्रमको आयोजना गरि प्रदेश १कै विएचएम पहिलो सेमेस्टरमा पहिलो भएकी ऋतु राई,दास्रो सेमेस्टरमा पहिलो भएकी स्टेला मेन्याङ्गवो र दोस्रो सेमेस्टरबाटै प्रदेश १ कै तेस्रो भएकी दिला नेम्वाङलाई सम्मान गरेको हो ।
पहिले र तेस्रो हुने विद्यार्थीहरुलाई कलेजले क्रमशः नगद रु २५हजार ,१० हजार र सम्मान पत्र प्रदान गरेको थियो । प्रथम हुने ऋतु र स्टेलाले समान ३.६९ जिपिए अंक ल्याएका थिए भने तेस्रो हुने दिलाले ३.६२ जिपिए ल्याएका थिए ।
कार्यक्रममा बोल्दै कलेज प्रमुख डम्बर तुम्वापोले आगामी वर्षहरुमा प्रत्येक सेमेस्टरमा कलेज तर्फ पहिलो,दोस्रो र तेस्रो हुने विद्यार्थीहरुलाई नगद १०,५र ३ हजार सहित सम्मान पत्रले पुरस्कृत गर्ने घोषणा समेत गरेका थिए । साथै उनले प्रदेश १ मै प्रथम, द्धितिय र तृतिय हुने विद्यार्थीहरुलाई यसरी नै सम्मान गरेर हौसला वढाउने कलेज प्रमुख तुम्वाम्पोले जानकारी दिए ।
कार्यक्रममा बोल्दै सम्मानित विद्यार्थीहरुले कलजलाई सम्मानको लागि धन्यवाद दिएका थिए भने अन्य जिद्यार्थीहरुलाई आफ्ना अनुभव तथा सुझाव समेत दिएका थिए । युएन नवोदय कलेजका अध्यक्ष ज्ञानेश्वर झाको सभापतित्वमा आयोजित कार्यक्रममा अग्रज पत्रकार राजेश विद्रोहि , शिक्षक सिर्जना लिम्बु लगायत विद्यार्थीहरु समेतको उपस्थिति रहेको थियो ।त्यस्तै, एचएम कोअर्डिनेटर गगनमान श्रेष्ठले कार्यक्रमको सञ्चलान गरेका थिए ।