युएन र नवोदयमा कक्षा ११ को प्रवेश परिक्षा शुरु

धरान । सरकारले शैक्षिक संस्था खोल्न अनुमती दिए पछि धरान स्थित यु.एन.र नवोदय कलेजले कक्षा ११ मा नया भर्नाका लागि सनिबार पहिलो चरणको प्रबेश परीक्षा लिएको छ ।

स्वास्थ्य मन्त्रालयले निर्धारण गरेको आवश्यक स्वास्थ्य मापदण्ड मास्क, सेनिटाइजर, फेससिलको प्रयोग गर्नुका साथै भौतिक दुरी समेत कायम गरि परीक्षा लिइएको कलेजका होटल म्यानेजमेन्ट कोअर्डिनेटर गगन श्रेष्ठले जानकारी दिए ।

पहिलो चरणको प्रबेश परीक्षामा म्यानेजमेन्ट र होटल म्यानेजमेन्टमा गरि १ सय ९० जना विद्यार्थी सहभागी भएको क्याम्पस प्रमुख डम्बर तुम्बापोले जानकारी दिए । दोश्रो चरणको प्रबेश परीक्षा आगामी असोज १६ गते लिइने कलेजले जनाएको छ ।