_1693980289.gif "#")
धरान । नेपालीहरुको दुई पाङ्ग्रे सवारीको रोजाइमा पर्दै आएको मोटरहेड कम्पनीको बाइकले नेपाली बजार क्षेत्रमा छुट्टै ब्राण्ड स्थापना गरेको छ ।
कम्पनीहरुले वित्रीपछिको सेवालाई प्राथिमकता नदिदा उपभक्ताहरुले सास्ती खेपीरहेका अबस्थामा मोटरहेड कम्पनीले वित्री पछिको सेवालाई पनि उच्च प्राथिमकतामा राखेर सेवा दिदै आइरहेको छ ।
एसएलआर टेक्नो एण्ड ट्रेडले बिक्री पछिको सेवालाई प्राथमिकतामा राख्दै अत्याधुनिक सुविधा सम्पन्न सर्भिस सेन्टरहरु विस्तार गरिएकोे जनाएको छ ।
एसएलआर टेक्नो एण्ड ट्रेडका जनरल म्यानेजर उज्ज्वल जोशीले उपत्यकाभित्रका ३ ठाउँमा सुविधा सम्पन्न सर्भिस सेन्टर स्थापना गरि सेवा प्रदान गर्दै आइरहेको बताए ।
उनका अनुसार अहिले ललितपुरको धोविघाट, काठमाडौंको बालाजू र भक्तपुरको सल्लाघारीमा सर्भिस सेन्टर स्थापना गरिसकिएको छ भने कम्पनीले निकट समयमै चावहिल मित्रपार्कमा पनि सुविधा सम्पन्न सर्भिस सेन्टर खोल्ने भएको छ ।
कम्पनीले दक्ष मेकानिक तथा सर्भिस इन्जिनियरको टिमबाट मोटरहेड बाइकहरुलाई सर्भिसिङ सेवा दिइरहेको र मोटरहेडका ग्राहकलाई बिक्री पछि स्तरीय सेवा प्रदान गर्ने लक्ष्यमा कम्पनी सफल भएको जोशीको दाबी छ ।
मोटरहेडका डट बाइकदेखि स्क्र्याम्ब्लर तथा क्रस ओभर गरी ३ सेगमेन्टमा ७ वटा मोडलहरु नेपाली बजारमा उपलब्ध छन् ।
२ लाख ८८ हजार रुपैयाँदेखि ४ लाख ५० हजारसम्मका बाइकहरु छन् । मोटरहेडका टेक्कन २५०, एमएच २००, स्क्र्याम्ब्लर २५० र स्पोर्टस २५० बाइक रोड र अफरोड भर्सनमा उपलब्ध छन् ।
डिलरहरु पोखरा, चितवन, विरगञ्ज, बागलुङ, दाङ, सुर्खेत, नेपालगञ्ज, इटहरीमा तथा काठमाडौंको टेकु, मित्रपार्क, बनेपा लगायतमा रहेका छन् ।
