_1693980289.gif "#")
धरान । स्थानीयलाई निःशुल्क रुपमा स्वास्थ्य सेवा दिदै आएका धरान–१५ स्थित शहरी स्वास्थ्य केन्द्र आफ्नै भवनमा सरेको छ । बुधबार एक कार्यक्रमका बीच भवनको उद्घाटन भएको हो ।
स्वास्थ्य सेवाका साथै केन्द्रले विरामीलाई निःशुल्क रुपमा४५ प्रकारको औषधी सहित आकस्मिक उपचार सेवा समेत प्रदान गर्दै आएको छ । अहिले स्वास्थ्य केन्द्रमा अहेब सहित ३ जना कर्मचारी कार्यरत छन् ।
धरान–१५ स्थित खोरीया बस्तीमा निर्माण भएको २ कोठे भवनको उद्घाटन गर्दैै वडाध्यक्ष नरेशकुमार इवारमले शहरी स्वास्थ्य केन्द्रमा अहिले प्रेसरको जाँच गर्ने, चोटपटक लागेका घाइतेहरुको ड्रेसिङ गर्नेदेखि ज्वरो आउँदा र टाउको दुख्दा आवश्यक औषधी वितरण लगायतको काम चलिरहेको जानकारी दिए । खोरीया बस्तीमा भएको स्वास्थ्य केन्द्रले ५ नं. वडाबासीलाई समेत सेवा दिएको उनले बताए ।
स्वास्थ्य केन्द्रको भवन ६ लाख ९७ हजार रुपैयाको लागतमा निर्माण भएको उपभोक्ता समितिका अध्यक्ष लोकबहादुर तामाङले जानकारी दिए ।
