_1693980289.gif "#")
धरान । धरान–१७ स्थित पट्नालीमा भइरहेको प्रथम पट्नाली च्यालेन्ज कपको फाइनलमा बराहक्षेत्र फुटबल क्लब चतरा र गोधुली फुटबल क्लब धरानबीच प्रतिष्पर्धा हुने भएको छ ।
शुक्रबार भएको दोस्रो सेमिफाइनलमा धरानको ज्योती एफसीलाई १–० गोल अन्तरले पराजित गर्दै बराहक्षेत्र फुटबल क्लबले फाइनलको यात्रा तय गरेको हो ।
ज्योती एफसीका क्याप्टेन योगेश राईको अनगोलमा बराहक्षेत्र विजयी भएको हो । शुक्रबार भएको अन्तिम सेमिफाइनल खेलको म्यान अफ द म्याच बराहक्षेत्रका क्याप्टेन आकाश राई घोषित भए । उनलाई ट्रफी तथा नगद १५ सय पुरस्कार प्रदान गरिएको थियो ।
शनिबार पटनाली खेल मैदानमा धरानको गोधुली क्लब र बराहक्षेत्र फुटबल क्लबबीच फाइनल खेल हुने आयोजक पटनाली फुटबल क्लबका अध्यक्ष नगेन्द्र गिरीले जानकारी दिए ।
प्रतियोगिताको विजेताले ट्रफि सहित नगद ५० हजार र उपविजेताले नगद २५ हजार पुरस्कार प्राप्त गर्ने आयोजकले जनाएको छ । त्यस्तै प्रतियोगिताको राइजिङ प्लेयरलाई नगद १० हजारले सम्मान गरिने छ भने विद्यागत उत्कृष्ट खेलाडीले नगद ३१ सय पुरस्कार प्राप्त गर्नेछन् ।
_Poush 22_1736170149.jpg "#")
_1734253975.jpg "#")
