_1693980289.gif "#")
विराटनगर । मोरङको उर्लाबारीबाट प्रतिबन्धित लागुऔषध ब्राउन सुगरसहित ९ जना पक्राउ परेका छन ।
उर्लाबारी नगरपालिका वडा नं. ७ बस्ने छोमाई तामाङको घरमा ब्राउन सुगर र गाँजा विक्री बितरण तथा सेवन गरिरहेको सूचनाका आधारमा ईप्रका उर्लाबारीबाट खटिएको प्रहरी टोलीले छापा हानी उनीहरुलाई पक्राउ गरेको जिल्ला प्रहरी कार्यालय मोरङले जनाएको छ ।
पक्राउ पर्नेहरुमा उर्लाबारी न.पा. ७ स्कुलडाँडा बस्ने वर्ष २१ की ममता तामाङ,उर्लाबारी न.पा. ७ बरगाछी बस्ने वर्ष २४ को मिलन याक्सो, उर्लाबारी न.पा. ९ भोटेपुल बस्ने वर्ष २८ को आकास लिम्बू, उर्लाबारी न.पा. ७ बरगाछी टोल बस्ने वर्ष १९ को असिम लिम्बू,झापा दमक न.पा. ७ बजार लाईन बस्ने वर्ष १९ को ससिन सेख, दमक न.पा. ४ सिर्जना टोल बस्ने वर्ष ३० को सुमन सुनुवार,मोरङ रतुवामाई न.पा. ८ ईटहरा बस्ने वर्ष २२ को रुमपमान केदेम (लिम्बू), रतुवामाई न.पा. १० सातमेडी बस्ने वर्ष १९ को एन्जील मगर र मोरङ रतुवामाई न.पा. ९ ईटहरा वर्ष २५ को मन्जील बस्नेत छन ।
उनीहरुको विषयमा थप अनुसन्धान भईरहेको जिल्ला प्रहरी कार्यालय मोरङका प्रवक्ता डिएसपी मानबहादुर राईले जानकारी दिएका छन ।
प्रहरीले उनीहरुको साथबाट ब्राउन सुगर ४ ग्राम ७२७ मिलि ग्राम,गाँजा १८४ ग्राम २३० मिलि ग्रामसहित उनीहरुले प्रयोग गर्ने मोटरसाइकल बरामद भएको जनाएको छ ।
