_1693980289.gif "#")
इटहरी । जिल्ला प्रहरी कार्यालय सुनसरीका प्रहरी प्रमुख एसपी कमल थापाको खास मान्छे भन्दै अवैध रूपमा रकम असुल्दै हिडने एक जना ठगलाइ प्रहरीले नियन्त्रणमा लिएको छ ।
सर्वसाधरणहरूलाइ एसपी थापाको मुख्य मान्छे रहेको र ठुला मुद्धा मात्रै हेृने भन्दै अवैध रकम असुलि गरेको अभियोगमा जिल्ला प्रहरी कार्यालय सुनसरीको बिशेष टोलिले बिकास भनिने बिक्रम गुप्तालाइ शुक्रबार बिहान पक्राउ गरेको हो ।
गुप्ताले सुनसरीको इनरूवा , भण्टावारी लगायतको स्थानमा रहेका ब्यवसायीहरूबाट प्रहरीको नाममा रकम असुलेको अनुशन्धानको क्रममा खुलेको जिल्ला प्रहरी कार्यालय सुनसरीका प्रहरी प्रमुख एसपी कमल थापाले बताए ।
एसपीको नाम गरेर र प्रहरीको बिशेष घुमुवा रहेको भन्दै गुप्ताले इनरूवाका एक ब्यवसायिबाट पेट्रोल समेत मागेको खुल्न आएको छ । प्रहरीको नाम गरेर रकम असुल्न कोशि गाउपालीका अन्तरगत एक ब्यवसायिकोमा पुग्दा शंका लागि केरकार गर्दै जादा ठगि गर्ने ब्याक्ति रहेको पत्तो पाएपछि स्थानीयले तत्काल नियन्त्रणमा लिएर प्रहरीलाइ बुझाएका थिए ।
पक्राउ परेका गुप्तालाइ हिरासतमा राखेर प्रहरीको नाम गरेर को कोबाट के कति रकम तथा सामग्रिहरू असुल गरेको हो भन्ने बिषयमा थप अनुशन्धान भइरहेको जिल्ला प्रहरी कार्यालय सुनसरीले जानकारी दिएको छ ।
