_1693980289.gif "#")
धनकुटा÷गाडीमा राखेर धनकुटातर्फ ल्याउँदै गरेको दुई गाडी अबैध सामान प्रहरीले बरामद गरेको छ ।
राजश्व छलेर विराटनगरबाट मारुती भ्यानमा धनकुटा ल्याउँदै गरिएको सुर्तीजन्य पदार्थ र धरानबाट बिलबिजक बिना पिकअपमा राखेर ल्याईदै गरेको बिस्कुट प्रहरीले बरामद गरेको हो ।
धनकुटाको जिरोप्वाइन्टमा चेकजाँच गर्ने क्रममा बा. ३३ च ४२९६ नम्बरको मारुती भ्यानमा राखेर ल्याईदै गरेको अवस्थामा बिभिन्न नामका तयारी खैनीका प्याकेट र गुट्का फेला परेको हो ।
धनकुटा बजारसहित हिले, बसन्तपुर लगायतका स्थानमा बिक्रीका लागि ल्याउँदै गरेको करिब २ लाख ५० हजार मुल्य बराबरको सुर्तिजन्य पदार्थसहित भ्यान चालक बिराटनगर–४ जामुनगाछीका ३० वर्षीय सतिशकुमार शर्मालाई नियन्त्रणमा लिइएको जिल्ला प्रहरी कार्यालय धनकुटाका एसपी गोबिन्द अधिकारीले बताए ।
प्रहरीले बरामद गरेको सुर्तीजन्य पदार्थसहित भ्यान र चालकलाई आवश्यक कारबाहीका लागि आन्तरिक राजश्व कार्यालय विराटनगर पठाएको प्रहरीले बताएको छ । त्यस्तै जिरोप्वाइन्टमा चेकजाँच गर्ने क्रममा को. १ च ५६३९ नम्बरको बुलेरो पिकअपमा राखेर ल्याईएको बिलबिजक बिनाको एक गाडी बिस्कुट पनि प्रहरीले नियन्त्रणमा लिएको छ ।
धरानबाट हिले, सिधवा बजार लगायतका स्थानमा विक्रीका लागि लैजादै गरेको बिलबिजक विनाको अवैध विस्कुट सहित आवश्यक कारवाहीको लागि करदाता सेवा कार्यालय धनकुटालाई जिम्मा लगाईएको एसपी अधिकारीले बताए ।
