_1693980289.gif "#")
इटहरी/ इलाका प्रहरी कार्यालय इटहरीले भारी मात्रामा अवैध रूपमा भन्सार छली ल्याइएको निलो रेडबेल सहित एक ब्यवसायीलाइ नियन्त्रणमा लिएको छ । भन्सार छलेर नेपाली बजार भित्र्याइएको करीब २ लाख २० हजार मुल्य बराबरको ६ बोरा रेडबुल प्रहरीले नियन्त्रणमा लिइएको हो ।
प्रहरीले इटहरी उपमहानगरपालिका ४ बाट झापाको दमक नगरपालिका ८ बस्ने ४०बर्षीय कमल दाहालसहित प्लाष्टिकको सेतो बोरामा भारतमा निर्मित निलो रेडबुल भन्सार छलि ल्याउदै गर्दा नियन्त्रणमा लिएको जनाएको छ ।
प्रहरीको गस्ती टोलिले बोरामा रहेको सामान बारे सोधपुछ गर्दै चेकजाच गर्दा भन्सार छलेर ल्याएको प्रमाणित भएपछि दाहाललाई पक्राउ गरी आवश्यक कारवाहिका लागि भन्सार कार्यालय सेतुबन्ध कोशी व्यारेज पठाएको इप्रका इटहरीका सुचना अधिकृत प्रहरी निरिक्षक केशव कुमार कटवालले जानकारी दिए ।
