_1693980289.gif "#")
विराटनगर । जर्बजस्ती करणीका घटनामा संलग्न तीन जना प्रतिवादीलाई मोरङ प्रहरीको टोलीले पक्राउ गरेको छ ।
पक्राउ पर्नेमा बेलबारी नगरपालिका वडा नं. ३ सिमपानेका चक्रबहादुर चौधरी, सकुमान तामाङ छन ।
कात्तिक १३ गते राति अन्दाजी पौने १२ बजेतिर मोरङ बेलबारी नगरपालिका वडा नं १ अमना सिसौलीको जंगलमा वेलबारी नगरपालिका वडा नं ३ बस्ने वर्ष २१ को सुमन भन्ने सुकमान तामाङले सोही ठाउँका बर्ष ५० को चक्र बहादुर चौधरीको सहयोगमा १४ वर्षीया नावालकमाथि जबरजस्ती करणी गरेको प्रहरीको भनाई छ ।
प्रतिवादी सुकमान तामाङ सहयोगी चक्र बहादुर चौधरी समेतलाई जिल्ला अदालत मोरङबाट म्याद थप भई अनुसन्धान शुरु भएको जिल्ला प्रहरी कार्यालय मोरङका प्रवक्ता डिएसपी मानबहादुर राईले जानकारी दिएका छन ।
यसैगरी कात्तिक १३ गते दिउँसो साढे ३ बजे ग्रामथान गाउँपालिका वडा नं १ मा २१ वर्षीय महिलालाई जर्बजस्ती करणी गर्ने जमेश सरदार पनि पक्राउ परेका छन । निज पीडकलाई ग्रामथान गाउँपालिका वडा नं.२ झोराहाटबाट पक्राउ गरी जवरजस्ती करणी अन्तर्गत जिल्ला अदालत मोरङबाट म्याद थप भई थप अनुसन्धान भई रहेको प्रहरीको भनाई छ ।
