धरान । सुरक्षित नागरिक आवास कार्यक्रम अन्तर्गत सुनसरीको क्षेत्र नम्बर १ का १ हजार फुसका घरमा जस्तापाता लगाईदिने भएको छ ।
फुसको घर भएका विपन्न परिवारको घरधुरीमा निशुल्क जस्तापाता लगाइदिने भएको हो । सुनसरी क्षेत्र नम्बर १ का संघीय सांसद जय कुमार राईको पहलमा धरान, बराहक्षेत्र र रामधुनीका १ हजार घरधुरीमा जस्तापाता लगाइदिने भएको हो ।
सांसद राईको अध्यक्षतामा जिल्ला समन्वय समितीको कार्यालयमा भएको बैठकमा धरानका ३ सय ३१, रामधुनीको २ सय २४ र बराहक्षेत्रका ४ सय ४५ घरधुरीमा फुसको छानो हटाएर जस्तापाता लगाइदिने निर्णय भएको छ । लाई सरकारले निःशुल्क जस्तापाता जडान गरिदिने भएको छ । जस्तापाता जडान गर्न प्रति परिवार ५० हजार नगद प्रदान गरिने सुनसरी क्षेत्र नम्बर १ का सांसद राईले बताए ।
बैठकमा धरानका मेयर तिलक राई, बराहक्षेत्रका मेयर निलम खनाल, रामधुनीका मेयर जयप्रकाश चौधरीको उपवस्थिती रहेको थियो । सांसद राईले ‘विपन्न परिवार जहिल्यै असिना–पानी, आगलागी, हावा हुण्डरी लगायतबाट पीडित भइ बढी क्षती हुने भएकोले नागरिकको सुरक्षाकालागी कार्यक्रम ल्याइएको’ बताए । तीनवर्ष भित्र देशभरीबाटै फुसको छानो हटाइसक्ने गरी शहरी विकास मन्त्रालयले योजना ल्याएको हो ।
