इलाम / इलाम नगरपालिकाले चालु आर्थिक वर्षमा ५० वटा माछापोखरि निर्माण हुने भएको छ । व्यावसायिक माछापालन कार्यक्रम अनुदान अन्र्तगत इलाम नगरपालिका ११ वटा वडामा सञ्चालन हुनेछन ।
इनपाको वडा नं. ७ बाहेक अन्य बाँकी वडाहरुमा ५० वटा माछापोखरी निर्माणहुने इलाम नगरपालिकाका प्रशासकीय अधिकृत राम शाहाले बताए । एउटा माछा पोखरिमा ४० हजारका दरले अनुदान सहयोग दिइने छ । पोखरि निर्माण गर्दा १६ मिटर लम्वाइ ८ मिटर चौडाइ भएको माछापोखरी निर्माण हुनुपर्ने छ । व्यावसायिक रुपमा माछापालन गर्ने किसानका लागि विभिन्न समूह, फर्म र कृषकलाई सहयोग पुगोस भनेर उपलब्ध गराईएको छ । नगर पालिकाले ५० जना कृषकहरुको नाम छनौट गरेको छ भने ४० जना कृषक वैकल्पिक छनोटमा परेको शाहकोे भनाई छ ।
माछापोखरी निर्माणपश्चात नेपालमा मत्स्यपालनका लागि सिफारिस भएका कमन कार्प, सिल्भर कार्प, बिगहेड कार्प, ग्रास कार्प, रोहु, नैनी, भाकुर, रेन्बो ट्राउट, पंगास प्रजाति, नाइल टिलापिया जातका माछा भूगोलका आधारमा पालन गरिने कृषि शाखाका प्राविधिक उपेन्द्र नेपालले बताएका छन् ।
