समुह बनाएर कक्षा सञ्चालन गर्न दिइने

धरान । शिक्षा मन्त्रालयले जारी गरेको निर्देशिका अनुसार स्वास्थ्य सुरक्षा मापदण्ड अपनाएर कक्षा संचालन गर्न दिइने निर्णय जिल्ला प्रशासन कार्यालय सुनसरीको सुरक्षा समितीले निर्णय गरेको छ ।

समितीको निर्णय अनुसार कक्षा ८, ९ र १० का विद्यार्थीहरुलाई बढीमा १५ जनाको समुह बनाएर कक्षा संचालन गर्न अनुमती दिएको छ । १५ जनाको सिफ्ट मिलाएर कक्षा संचालन गर्ने शिक्षा मन्त्रालयको निर्देशन अनुसार व्यवस्था मिलाइएको जिल्ला प्रशासन कार्यालय सुनसरीले जनाएको छ ।

१० देखि १५ जनाको ग्रुप बनाएर मात्र कक्षा शुरु गर्न दिने निर्देशिका अनुसार कक्षा संचालन गर्ने निर्णय गरिएको छ । कक्षा संचालन गर्न दिइने निर्णय ठुला कक्षाका लागि मात्रै रहेको सहायक जिल्ला अधिकारी महेश पोखरेलले बताए । उनले भन, ठुला कक्षाहरु आजभोलीदेखि नै स्कुलहरुले स्वास्थ्य मापदण्ड पालना गरेर शुरु गर्न सक्छन् । तर साना कक्षाहरु भने त्यसरी सञ्चालन गर्न पाइदैन ।’

नेपाल सरकार, शिक्षा विज्ञान तथा प्रविधि मन्त्रालयबाट जारी निर्देशिकाको परिधि भित्र रहेर स्वास्थ्य मापदण्ड पुर्ण पालना गर्ने गरि डिस्टेन्स लर्निङ जस्ता कक्षा स्थानीय तहको प्रत्यक्ष निगरानीमा मात्र संचालन गर्ने भनिएको निर्देशिकाका भनिएको छ ।