मृगौला पिडित दिपेनलाई युकेबाट सहयोग

धरान । दुवै मृगौला खराब भई विराटनगर स्थित नोबेल अस्पतालमा उपचार गराईरहेका तेह्रथुमका २१ वर्षिय मृगौला पिडितलाई ४ लाख ८१ हजार ३० रुपैया सहयोग प्राप्त भएको छ ।

तेह्रथुमको लालिगुरास नगरपालिका वार्ड न ६ सुङ्नामका दिपेन खवाहाङ लिम्बुलाई तेह्रथुम समाज युकेले सहयोग गरेको हो । तेह्रथुम समाज युके परिवारले संकलन गरि नेपाल पठाएको रकम तेह्रथुम समाज युके नेपालका कोर्डिनेटर तथा किराँत याक्थुङ चुम्लुङ सुनसरीका अध्यक्ष मोहन कुमार लिम्बूले बिरामी दिपेन र उनका बुबा भिम बहादुर खवाहाङ लिम्बुलाई प्रदान गरेका छन् ।

तेह्रथुम समाज युके का अध्यक्ष भुवन खवाहाङ लिम्बुको सम्योजकत्वमा ९५ जनाबाट सहयोग रकम संकलन भएको थियोे । सहयोग रकम हस्तान्तरण कार्यक्रममा कियाचु सुनसरी उपाध्यक्ष स्वर्णिमहाङ फोम्बोले सहयोग दाताहरूको नामावली सुनाएका थिए । बिरामीको तर्फबाट बुद्रोस लिम्बुले सहयोगदाताहरुलाई धन्यवाद दिएका थिए ।