धरान । संविधान दिवसको अवसरमा मदन भण्डारी स्पोर्ट्स एकेडेमीले आयोजना गरेको रक्तदान कार्यक्रममा १ सय ४ पिन्ट रगत संकलन गरेको छ ।
शनिबार एकेडेमी नगर समितिले धरानमा रक्तदान तथा निःशुल्क स्वास्थ्य परामर्शमा कार्यक्रम गरेको हो ।
रक्तदान कार्यक्रममा धरान उपमहानगरपालिकाकि उपमेयर मन्जु भण्डारी सुबेदीले रक्तदान गरेर उदघाटन गरेकी थिइन । नेपाल रेडक्रस सोसाइटी सुनसरीको प्राविधिक सहयोग तथा हातेमालो फाउण्डेसन, सेवक अभियानसँगको सहकार्यमा कार्यक्रम सम्पन्न भएको थियो ।
कार्यक्रममा हातेमालो फाउण्डेशनको सहयोगमा निःशुल्क स्वास्थ्य परामर्श सेवा समेत दिइएको थियो । साथै, सामाजिक संस्था सेवक अभियानले शरीरमा तागत बढाउने आयुर्वेदिक औषधी तथा गुर्जोसहितको चिया पनि निःशुल्क वितरण गरेको थियो ।
कार्यक्रममा प्रमुख अतिथी तथा नेपाल कम्यूनिष्ट पार्टी ९नेकपा० प्रदेश १ संयोजक देबराज घिमिरे रहेका थिए ।
कार्यक्रममा नेकपाका प्रदेश कमिटि सदस्य मुरारी सुवेदी, मुक्साहाङ मेन्याङ्बो, अइन्द्रबिक्रम बेघा, उपमेयर मञ्जु भण्डारी सुवेदीलगायतले पनि शुभकामना दिएका थिए ।