धरान । भारत तर्फ चोरी निकासी गरि लादै गरेको अवश्थामा जिल्ला प्रहरी कार्यालय सुनसरी सहितको देवानगंजको संयुक्त प्रहरीको टोलिले गाईको बाछा बाछी सहित एउटा मिनिट्रक बरामद गरेको छ ।
जिल्लाको देवानगंज गाउँपालिकाको वडा नम्बर २ स्थित देवानगंज घुस्की सडक खण्डमा भारत तर्फ लादै गरेको अवश्थामा १२ वटा गाईको बाछा र एउटा गाईको वाछी बरामद गरेको हो । को १ ख ३५७१ नम्बरको मिनि ट्रकमा बाछाबाछी लादै गरेको अवश्थामा मिनि ट्रक सहित प्रहरीले ३ जनालाई पनि पक्राउ गरेको छ ।
देवानगंजकै वडा नम्बर २ बस्ने ३६ वर्षिय जाहिद अन्सारी, हरिनगर गाउँपालिका वडा नम्बर ६ बस्ने २१ वर्षिय मो. फमाज र २५ वर्षिय मो. अस्लमलाई पक्राउ गरेको हो । प्रहरीका अनुसार ६ लाख मुल्य बराबरको मिनि ट्रक, ६ हजार मुल्य बराबरको बाछा र ३ हजार मुल्य बराबरको बाछि पक्राउ गरिएको हो । बरामद गरिएका बाछाबाछी सहित सवारी चालक र सवार व्यक्तिहरुलाई आवश्यक कारवाहीका लागि सुनसरी भन्सार कार्यालय कोशीव्यारेज पठाइएको प्रहरीले जनाएको छ ।