_1693980289.gif "#")
धरान । गत सोमबार आफ्नै घरमा झुण्डिएको अवश्थामा भेटिएकी एक युवतीको मृत्यु शंकास्पद रहेको भन्दै माइती पक्षले इलाका प्रहरी कार्यालय धरानमा उजुरी दिए पछि ४ जनालाई प्रहरीले पक्राउ गरेको छ ।
तीन महिना अघि मात्रै विवाह गरेकी तेह्रथुमकी सोनिहाङ्मा लिम्बु आफ्नै कोठामा झुण्डिएको अवश्थामा सोमबार बिहान फेला परेकि थिईन् । उनको पाखुरामा केही निसान देखिए पछि मृतकका परिवारले शंकास्पद रहेको भन्दै इलाका प्रहरी कार्यालयमा उजुरी दिएका थिए । उजुरीका आधारमा प्रहरीले मृतकका श्रीमानका आफन्तलाई पक्राउ गरेको हो ।
मृतक लिम्बुले धरान ११ स्थित सिसौ पथमा बस्ने सिंगापुर सेनामा कार्यरत आइत माबो सँग ३ महिना अघि विवाह गरेकी थिईन् । माबो १ महिना अघि मात्रै सिङगापुर फर्किएका थिए । उनले कोठामा झुन्डिएर आत्महत्या गरिएको भनी प्रहरीलाई खबर गरिएकोमा प्रहरी पुग्नु अघि सोनीहाङ्माको शव भुईमा झारेको अवश्थामा रहेको थियो ।
माइती पक्षले पनि सोनीहाङ्माको मृत्यु रहस्यमय भएको मंगलबार किटानी जाहेरी दिएको थियो । त्यही जाहेरीका आधारमा मृतकका श्रीमान पक्षका बुवा ६१ वर्षीय भीम माबो, २८ बर्षीया सन्जु माबो, २५ बर्षीया विमला माबो र २० वर्षीय हेमकुमार माबोलाई बुधबार पक्राउ हो ।
पक्राउ परेका उनीहरूलाई विहिबार जिल्ला अदालत सुनसरीमा म्याद थप गर्ने इलाका प्रहरी कार्यालय धरानका प्रहरी निरीक्षक हेमराज ओलीले बताए । यता माइती पक्षले पक्राउ नगरी पोस्टमार्टम गर्न नदिने र अनुसन्धानको दायरामा ल्याउन माग गर्न थाले पछि उनीहरुलाई पक्राउ गरिएको हो ।
