_1693980289.gif "#")
सुनसरी । अवैध रुपमा भन्सार छलि गरेर भारतबाट ल्याएका सामानहरु जिल्ला प्रहरी कार्यालय सुनसरीले पक्राउ गरेको छ ।
भदौ १५ गते भारतबाट भन्सार छलि गरेर ल्याएको सामानहरु देवानगञ्ज गाउँपालिकाको वडा नम्बर २ बाट पक्राउ गरेको हो ।
भन्सार छलि गरेर सामान ल्याउदै गरेको सुचनाको आधारमा गएको प्रहरीको टोलिले बर्जु गाउँपालिका वडा नम्बर २ बस्ने संजिव गुरुङले चलाएको को १ ख ३३६६ नम्बरको मिनि ट्रकबाट सामान बरामद गरेको हो ।
मिनि ट्रकलाई चेकजाँच गर्ने क्रममा १ लाख ५५ हजार मुल्य बराबरको ३१ बोरा सुर्ती, २६ हजार मुल्य बराबरको ताजमहल भारतीय चामल २० बोरा र ६३ हजार ७ सय मुल्य बराबरको नेपाली चामल सहित १० लाख मुल्य बराबरको मिनि ट्रक समेत प्रहरीले बरामद गरेको छ ।
प्रहरीले सामान सहित चालक गुरुङ र बिराटनगर ७ बस्ने ट्रकका हेल्पर गोपाल थापा मगर र सोही स्थान बस्ने हेल्पर गोपाल साहलाई पनि पक्राउ गरेको छ । पक्राउ गरिएका सामानहरु आवश्यक कारवाहीको लागि सुनसरी भन्सार कार्यालय पठाइएको प्रहरीले जनाएको छ ।
