धरान । सामुदायिक बनको सखुवाको रुख काट्न निर्देशन दिएको आरोप लागेका धरान उपमहानगरपालिकाका मेयर तिलक राई लाई धरान २० स्थित भालढुंगा सामुदायिक वन उपभोक्ता समुहले कार्बाही को माग गरेको छ ।
काँचो सखुवाको रूख काटेको व्यक्ति उपर कारवाहीको माग सहित उपभोत्ता समुहले इलाका वन सब डिभिजन कार्यालयमा निवेदन दिएको छ ।
भालढुंगा सामुदायिक वन द्वारा संरक्षित वन क्षेत्रमा विना सूचना ढुंगे पानी भन्ने ठाँउमा अन्दाजी २ सय ५० किवी आउने सालको रूख काट्न मेयरले निर्देशन दिएको आरोप लगाउदै उपभोक्ता समुहले कार्बाही को माग गरेको छ ।
इलाका बन डिभिजन कार्यलय धरानमा बुझाएको माग पत्रमा मेयर राईको निर्देशन र प्रत्यक्ष उपस्थितीमा दुईवटा विधुतिय आरा प्रयोग गरी व्यक्तिगत प्रयोजनका लागी वा कुनै नियतले निकासी गर्ने तयारी गरीरहेको अवस्था वनको उपभोक्ताहरूले फेला पारेको उल्लेख छ ।
वनका अध्यक्ष बुद्धिमान तामाङ द्वारा हस्ताक्षरीत पत्रमा मेयर राई सहित कटानमा संलग्न अन्यलाइ पनि कारबाही गर्न माग गरेको छ । इलाका सब डिभिजन वन कार्यालय विष्णुपादुकाका प्रमुख राजेन्द्रप्रसाद यादव, रेञ्जर इश्वरी बास्तोला, सशस्त्र वन रक्षक सहितको टोली स्थलगत अध्ययन पनि गरेका छन ।