भदौ मसान्तसम्म शैक्षिक संस्था र लामो दूरीका यातायात बन्द

 काठमाडौं/ सरकारले लामो दूरीको सवारी साधन र शैक्षिक संस्था भदौ मसान्तसम्म बन्द गर्ने निणर्य गरेको छ । आइतबार बसेको  मन्त्री परिषद बैठकले यस्तो निर्णय गरेको हो ।

यसअघि सरकारले भदौ १५ गतेसम्म लामोदूरीका यातायात सञ्चालन नगर्ने निर्णय गरेको थियो । समुदाय स्तरमै कोरोना भाइरसको संक्रमण देखिन थालेपछि सरकारले यस्तो निणर्य गरेको हो ।

यस्तै हिजो बसेको बैठकले आन्तरिक हवाई उडान भदौ मसान्तसम्म नखोल्ने निर्णय गरेको छ ।

यसअघि अन्तरजिल्ला यातायात तथा हजाई उडान भदौ १५ गतेबाट खुला नगर्ने निर्णय भएको थियो । अन्तराष्ट्रिय हवाई उडान भने सर्तसहित भदौ १६ गतेबाट सुरु गर्न अनुमति दिइएको छ ।

यसैगरी यस्तै स्कुल कलेजसहितका शैक्षिक संस्थाहरु पनि भदौ मसान्तसम्म नखोल्ने निर्णय गरेको छ ।

साथै विदेशी कामदार लिने निर्णय गरेका मुलुकहरुका लागि श्रम स्वीकृति खुला गर्ने निर्णय समेत भएको छ ।