इटहरीमा थप एक प्रहरी सहित ४ जनामा कोरोना पुष्टि

इटहरी । इलाका प्रहरी कार्यालय इटहरीमा कार्यरत एक प्रहरी सहित इटहरी उपमहानगरमा ४ जनामा कोरोना संक्रमण पुस्टी भएको छ ।
गत साउन ३१ गते पिसिआ रद्वारा स्वाव संकलन गरी ल्याब पठाइएका मध्ये ७ जनाको रिपोर्ट आउन बाकि रहेकोमा ३ गते प्राप्त रिपोर्ट अनुसार ४ जनामा कोरोना संक्रमण पुस्टि भएको इटहरी अस्पतालका इमर्जेन्सी शाखाका इञ्चार्ज राम कुमार धमलाले बताए ।

इटहरी उपमहानगरपालिका वडा ४ का एकजना २५ वर्षिय पुरूष , इलाका प्रहरी कार्यालय इटहरीका एक प्रहरी र प्रहरी कार्यालय परिषर भित्र रहेको २ जना थुनुवा सहित इटहरीमा ४ जनालाइ कोरोना संक्रमण पुस्टी भएको उनले बताए ।

४ जना संक्रमितहरू थपिएसंगै इटहरीमा कोरोनाबाट संक्रमित हुनेहरूको संख्या ५९ पुगेको छ । जसमध्ये १६ जना उपचारपछि घर फर्किसकेका छन भने अन्यलाइ होम आइसोलेसनमा राखेर उपचार गराइदै आएको छ ।