_1693980289.gif "#")
विराटनगर । कोरोना संक्रमणका कारण बुधबार मोरङमा दुई जनाको ज्यान गएको छ ।
कोशी अस्पतालमा उपचाररत विराटनगर ९ गुद्री बजार र मोरङको रंगेली ८ का अर्का एक जना पुरुषको मृत्यु भएको हो ।
गुद्रीका पुरुष गएराति अस्पतालमा भर्ना भएका थिए । यसैगरी रंगेलीका ४५ वर्षीय पुरुषमा श्वास प्रश्वासको समस्या भएपछि अस्पताल ल्याउनासाथ मृत्यु भएको थियो । मृतक दुबैको स्वाब परीक्षण गर्दा कोरोना पुष्टि भएको कोशी अस्पताल आइसोलेशन विभागका इञ्चार्ज डा. लक्ष्मीनाराययण यादवले बताएका छन् ।
योसंगै मोरङमा कोरोनाबाट मृत्यु हुनेको संख्या ४ पुगेको छ । यसअघि विराटनगर ५ का ७७ वर्षीय पुरुष र सुनवर्षी नगरपालिका ८ का पुरुषको धरानमा मृत्यु भएको थियो ।
यसैबीच उपचारको क्रममा मृत्यु भएका विराटनगरका पुरुषका आफन्तले कोशी अस्पतालका चिकित्समाथि हातपात गरेका छन् । जन्डिस र दुखाईको समेत समस्या लिएर आएका पुरुषलाई चिकित्सकले आईसोलेसनमा राखेर उपचार शुरु गरेका थिए । तर, मृत्यु भएपछि स्वाब परीक्षणको नतिजा नआउन्जेल शव लान नमिल्ने भनेपछि आफन्तले चिकित्सकमाथि नै हातपात गरेका हुन ।
अस्पतालका फिजिसियन डा.दिपक सिग्देलले संक्रिमितको सम्पर्कमा रहेका व्यक्तिहरुबाट चिकित्स र स्वास्थ्यकर्मीहरुमाथि हातपात भएको बताए ।
