विराटनगरमा नापीका कर्मचारी र कारागारमा पनि संक्रमण

विराटनगर । विराटनगरमा आईतबार १३ जना कोरोनाका नयाँ संक्रमित थपिएका छन् ।
सामाजक विकास मन्त्रालयका अनुसार ७ महिला र ६ पुरुषमा कोरोना संक्रमण पुष्टि भएको हो । आइतबार कोरोना पुष्टि हुनेमा नापी कार्यालय विराटनगरका कर्मचारी र विराटनगरस्थित मोरङ कारागारका दुई जनामा संक्रमण देखिएको छ । मोरङ जिल्लामा आईतबार १७ जनाको पोजेटिभ रिर्पोट आएको छ ।

नापी कार्यालयका खरिदार र एक सुरक्षागार्डलाई संक्रमण देखिएको हो । कारागारका सुरक्षाकर्मी हुन वा कैदी भन्ने खुल्न बाँकी छ । मन्त्रालयका अनुसार मोरङको कटहरी गाउँपालिकाका दुई जना, बुढीगंगा गाउँपालिकाका एक जना र ग्रामथान गाउँपालिकाको एक जनामा कोरोना देखिएको हो । सुनसरीको धरानस्थित क्वारेन्टाइनमा बसेका १० जनामा कोरोना पोजेटिभ देखिएको छ ।

विराटनगरमा कोरोना संक्रमितको संख्या १२१ जना पुगि सकेको छ । संक्रमण समुदायस्तरमा गएको निक्र्योलपछि महानगर क्षेत्रमा शनिबार मध्यरातदेखि १५ दिनको लागि लकडाउन घोषणा गरिएको छ ।