धरान । केही दिन अघि बिराटनगर स्थित प्रदेश प्रहरी कार्यालयमा कार्यरत एक प्रहरीमा कोरोना संक्रमण देखिए पछि उनको क्लोज कन्ट्याक्टमा रहेका धरान १४ स्थित विजयपुरका सबैको रिपोर्ट नेगेटिभ आएको छ ।
कोरोना संक्रमण देखिएका प्रहरी धरान १४ स्थित गणेश चौंकमा आएको खुलेको थियो । उनको क्लोज कन्टयाक्टमा रहेको ६६ जनाको रिपोर्ट नेगेटिभ आएको छ ।
छोरीको जन्म दिवश मनाउन धरान आएका समयमा उनको सम्पर्कमा रहेको सबैको साउन १४ गते स्वाब संकलन गरिएको थियो । उनीका सबैको रिपोर्ट नेगेटिभ आएको धरान उपमहानगरपालिकाका स्वास्थ्य महाशाखाका प्रमुख उमेश मेहेताले जानकारी दिएका छ ।
त्यसै गरि धरान १३ मा कोरोना संक्रमण देखिएका युवा फिटनेश क्लबमा जाने गरेका कारण धरान ८ स्थित पुरानो ट्राफिक चौक (धनकुटे रोड) मा रहेको जिम हल पनि बन्द गरिएको छ । उनी कार्यरत उद्योगमा करिब १ महिना देखि नै नगएकाले उद्योग भने बन्द गरिएको छैन् । उद्योगका संचालक भने आइसोलेसनमा भर्ना भएका छन् ।
