_1693980289.gif "#")
विराटनगर । मोरङको बुढीगंगा गाउँपालिकामा लागूऔषध कारोबारी पक्राउ गर्न पहरीले दुई राउन्ड हवाई फायर गरेको छ ।
बुढीगंगा–१ को स्टिल कारखाना आरती स्ट्रिप पछाडि खोरैया बस्तीमा विहीबार राति कारोबारीलाई नियन्त्रणमा लिन प्रहरीले फायर खोल्नु परेको हो । लागूऔषध कारोबारीले प्रहरीको हतियार खोस्न खोजेको र आक्रमणबाट बच्न तथा स्थिति नियन्त्रणमा लिन प्रहरीले फायर खोलेको बताइएको छ ।
सादा पोसकका प्रहरी जवान ज्ञानबहादुर बस्नेत, जीवन काफ्ले र श्रवण चौधरीलाई आक्रमण गरी कारोबारीले घाइते बनाई दिएका छन् । उनीहरुको विराट मेडिकल कलेजमा उपचार भईरहेको छ । प्रहरीमाथि कारोबारीले खुकरी, भालासहितका घरेलु हतियारले आक्रमण गरेको बताइएको छ ।
प्रहरी निरीक्षक मिलन थापाको नेतृत्वको प्रहरी टोलीमाथि आक्रमण भएको थियो । त्यहाँ कोरेक्स र गाँजा जम्मा गरेर बिक्री भईरहेको सूचना पाएपछि प्रहरी टोली पुगेको मोरङ प्रहरीले जनाएको छ ।
घटनापछि थप प्रहरी बल गई संलग्न ६ जनालाई पक्राउ गरेको छ । पक्राउ पर्नेमा २१ वर्षीय वीरेन्द्र ऋषिदेव, २५ वर्षीय महादेव ऋषिदेव,बलराम ऋषिदेव, २८ वर्षीय देव ऋषिदेव, नन्दनीकुमारी ऋषिदेव र एलिसा ऋषिदेव रहेका छन् ।
