धरान / विदेश अध्ययनका लागि जान चाहने नेपाली विद्यार्थीहरुका लागि सहजीकरण गर्न धरानमा युरोपियन स्टडी हब संचालनमा ल्याउने भएको छ ।
काठमाण्डौमा रहेको हब करियर मेकर कन्सल्टेन्सी प्रालिको फ्रेन्चाइजको रुपमा धरानमा साउन १५ गते देखि युरोपियन स्टडी हब संचालनमा ल्याउने तयारी भएको हो । मंगलबार पत्रकार सम्मेलन गर्दै हबका म्यानेजिङ निर्देशक कबिर चौहानले ब्याचलर्स, मास्टर्स र पिएचडि अध्ययनका लागि युरोप सम्मका युनिभर्सिटीहरु सँग हबले सम्बन्धन प्राप्त गरेको बताएका छन् ।
उनका अनुसार अस्टे«लिया, युके, क्यानाडा र सबै युरोपियन सेनजेन राष्ट्रहरुमा अध्ययनका लागि पठाइनेछ । विदेश अध्ययनका लागि जान चाहनेहरुका लागि भिषा प्रोसेसिङका लागि आवश्यक पर्ने बैंक डकुमेन्टेसन, फाइनान्सिङ, काउन्सिलिङ, आइएलटिएस र पिटिइको अध्यापन समेत गराइने उनले बताए । पिआर बनाउने प्रक्रियामा समेत सहयोग गरिने उनले बताए । विद्यार्थीहरुको सुविधाका लागि भिषा लागे पछि मात्रै कलेज शुल्क लिइने उनले बताए ।
हबले युनिभर्सिटीमा अध्ययन सँगै जागिरका लागि उपयोगि सिप समेत सिकाइने जनाएको छ । हबले बेकरी, बारटेन्डर, बारिस्टा, ड्राइभिङ, फ्रेन्चआर्मीको तयारी लगायतका सिपहरु सिकाउने व्यवस्था गरिएको जनाएको छ ।