धरान / जिल्लाकै नमूना विद्यालयको रुपमा घोषणा भएको धरान स्थित पब्लिक हाईस्कूलको भैतिक विकास निर्माण सम्बन्धी गुरुयोजना निर्माण हुने भएको छ ।
पुर्वाधार विकाश निर्माण मन्त्रालयको सहयोगमा विद्यालयको भौतिक विकाश निर्माण सम्बन्धी गुरुयोजना र सुविधा सम्पन्न भवनको लागि डिपिआर तयार हुने भएको छ । मन्त्रालयको निर्णय अनुसार नमुना विद्यालय विकास एव्म सञ्चालन निर्देशिका २०७४ अनुरुप १ वर्ष अघि विद्यालयलाई नमुना विद्यालयको रुपमा छनौट भए पछि सोही अनुसारको विकाश गर्न मन्त्रालयले डिपिआर तयार गर्न प्राविधिक खटाएको छ ।
सरकारले नमुना विद्यालयका लागि ५ वर्ष सम्म प्रत्येक वर्ष आर्थिक सहयोग उपलब्ध गराउने छ । सरकारले ढीलो भएपनि काम शुरु गर्न लागेकोमा विद्यालयका प्रधानाध्यापक ईन्द्रमोहन झाले विद्यालयहरुलाई नमुना विद्यालय बनाउन उपलब्ध भएको अनुदान रकम भौतिक, शैक्षिक एवं व्यवस्थापनमा गरिने जानकारी आएको बताए ।
मंगलबार विद्यालय व्यवस्थापन समितिको वैठकमा विद्यालयको आवश्यकता अनुरुपको योजना निर्माण गर्ने सम्बन्धमा गोष्ठी भएको थियो । आधुनिक प्रविधिको उपयोग गर्न सकिने किसिमले भौतिक पूर्वाधार निर्माण गर्ने गरीको योजना निर्माण गर्ने योजना बनाईने व्यवस्थापन समितिका अध्यक्ष हरि बहादुर कार्कीले बताए ।
विद्यालयमा कक्षा कोठाको अभाव भएकाले सुविधा सम्पन्न कक्षाकोठा सहितको नयाँ विद्यालय भवन निर्माण गर्ने विद्यालयमा छलफल भएको थियो । पब्लिक हाईस्कूल २००३ सालमा स्थापना भएको धरानको पहिलो सामुदायिक विद्यालय हो ।
भेलामा धरान उपमहानगरपालिका, वार्ड नं. १२ का वडाध्यक्ष टंक बहादुर राई, वडा सदस्य ब्रम्हज्ञ भट्टराई, पब्लिक हाईस्कूल एल्मोनाई २०३१ का सचिव विरेन्द्र सिंह थापा, सल्लाहकार मोहन श्रेष्ठ, शिक्षक प्रतिनिधि र सरकारबाट निरुपित गरिएको सितारा कन्सल्टेन्सी ललितपुरका प्रतिनिधिहरु विद्यालय व्यवस्थापन समति र शिक्षक अभिभावक संघका प्रतिनिधि लगायतको उपस्थिति रहेको थियो ।