गल्फ मैदान लाई ब्यबस्थित बनाउन गल्फ क्लबलाइ ट्याक्टर प्रदान

 धरान । देशकै उत्कृष्ट गल्फ खेल मैदानको रुपमा रहेको धरानको निर्वाणा कन्ट्री क्लबको खेल मैदानलाइ सम्याउन तथा मर्मत सम्हारको लागि ट्रयाक्टर प्रदान गरिएको छ ।

शनिबार एक कार्यक्रमको आयोजना गरि धरान गल्फ क्लबलाइ धरान उपमहानगरपालिकाका मेयर तिलक राइले क्लबका अध्यक्ष टीका लिम्बूलाई ट्याक्टर हस्तान्तरण गरेका हुन् । ट्याक्टर खरिदका लागि धरान उपमहानगरपालिका, क्लबका सदस्यहरु र कबिन ईन्टरनेश्नल प्रा।लि। बिराटनगरले सहयोग गरेका थिए ।

धरान उपमहानगरपालिकाले दिएको नगद ५ लाख सहित गल्फ क्लबका सदस्यहरु बाट संकलन भएको ४ लाख ५० हजार बाट ट्याक्टर खरिद गरिएको हो । ट्याक्टर को मूल्य १२ लाख रुपैया रहे पनि कबिन ईन्टरनेश्नल बिराटनगरले नगद २ लाख ५० छुट गरे पछि साढे ९ लाख मै खरिद गरिएको हो ।

कार्यक्रममा क्लबका निवर्तमान अध्यक्ष एवं धरान वडा नं १९ का अध्यक्ष पुर्ण लिम्बू, धरान १८ का वडा अध्यक्ष प्रबिण राई, गल्फ खेलाडी तथा सुनसरी टेक्नीकल कलेजका अधयक्ष लेखी सुब्बा लगायत गल्फ खेलाडीहरुको उपस्थिति रहेको थियो ।