केराबारी गाउँपालिका अध्यक्ष माथि खुकुरी प्रहार

सुनसरी । मोरङको केराबारी गाउँपालिकाका अध्यक्ष रोहित कुमार कार्की माथि कार्यलयमै खुकुरी प्रहार भएको छ ।

पटके कर ठेक्का आफैले पाउनु पर्ने भन्दै पटके करका ठेकेदार भवन ठकुरीले अध्यक्ष रोहित बहादुर कार्कीलाई खुकुरी प्रहार गरेका हुन् । खुकुरी प्रहारबाट घाइते बनेका अध्यक्ष कार्कीलाई विराटनगर स्थित नोबेल अस्पतालमा उपचार भइरहेको प्रहरीले जनाएको छ भने ठकुरीलाई प्रहरीले नियन्त्रणमा लिएको छ ।

ठकुरीले शुरुमा आफैले ल्याएको चक्कुले प्रहार गरेका थिए भने पुनः अध्यक्षका गार्डको खुकुरी पनि खोसेर प्रहार गरेको प्रहरीले जनाएको छ ।

प्रहरीका अनुसार ठकुरी पटके करका ठेकेदार हुन् । उनको गत आर्थिक वर्षको असार ३१ गते म्याद सकिएको थियो । म्याद सकिए पछि गाउँपालिका आफैले कर संकलन गर्दै आएको थियो । आफुले नै ठेक्का पाउनु पर्ने भन्दै विवाद हुन थाले पछि खुकुरी प्रहार भएको प्रहरीको भनाई छ ।