_1693980289.gif "#")
धरान । करिब ३८ वर्ष देखि वर्षेनी साउन महिनाको सोमबार देखि सुरु धरानको बोलबंम मेला यस वर्ष कोरोनाको कारण प्रभावित बनेको छ ।
सरकारले घोषणा गरेको लकडाउनका कारण पिण्डेश्वर मन्दिरमा लाग्ने मेला यस वर्ष नहुने भएको हो । धरानको पिण्डेश्वर मन्दिरमा वर्षेनी चतराको सप्तकोशीबाट जल ल्याएर पिण्डेश्वरमा चढाउनेको घुइचो लाग्ने भएकाले पनि बोलबंम नहुने पिण्डेश्वर बाबाधाम समितीका अध्यक्ष विकाश बनेपालीले बताए ।
उनले भने, ‘अहिले मन्दिर पनि बन्द रहेको अवश्थामा साउन महिनाको प्रत्येक सोमबार मन्दिरमा जल चढाउन आउनेको अत्याधिक भिड हुने भएकाले आउनुस भन्न सकेनौं ।’ सरकारले लकडाउन साउन ९ गते सम्म घोषणा गरेकाले त्यस पछिका समयमा भने पुर्नविचार गरिने उनले बताए ।
लकडाउन शुरु भए सँगै धरानका सम्पुर्ण मठमन्दिरहरु बन्द रहेका छन् । भिडभाडका कारण संक्रमण फैलिन सक्ने भएकाले सुरक्षाका कारण पनि बन्द गर्नु परेको उनको भनाई छ ।
