धरान/ सुनसरीको धरान उपमहानगरपालिका–१७ नमुना मार्गबाट ठूलो परिमाणमा लागूऔषधसहित दुई युवक पक्राउ परेका छन्।
प्राप्त सूचनाका आधारमा कोशी प्रदेश प्रहरी कार्यालय विराटनगर र अस्थायी प्रहरी पोस्ट जोरसखुवाबाट संयुक्त रूपमा खटिएको प्रहरी टोलीले बिहीबार दिउँसो करिब ३:४५ बजे चेकजाँच गर्ने क्रममा धरान–१७ फोकल्यान्डका ३० वर्षीय आङदावा तामाङ र १९ वर्षीय बुद्ध दर्जीलाई पक्राउ गरेको हो।
प्रहरीका अनुसार उनीहरूको साथबाट Caliban का ४ हजार १८५ ट्याब्लेट र Tramol-50 का ४ हजार १८५ क्याप्सुल गरी जम्मा ८ हजार ३७० लागूऔषध ट्याब्लेट/क्याप्सुल बरामद गरिएको छ।
पक्राउ परेका दुवैलाई बरामद लागूऔषधसहित नियन्त्रणमा लिई इलाका प्रहरी कार्यालय धरानमा राखेर थप अनुसन्धान भइरहेको प्रहरीले जनाएको छ।
