प्रतिनिधि तश्वीर
विराटनगर । सुनसरीको रामधुनी नगरपालिका वडा नम्बर ७ जुडितालमा पौडी खेल्ने क्रममा डुबेर एक किशोरको मृत्यु भएको छ ।
स्थानीय १७ वर्षीया सिसम राईको तालमा डुबेर मृत्यु भएको प्रदेश १ प्रहरी कार्यालय विराटनगरले जनाएको छ ।
दिउँसो सवा २ बजेको समयमा उक्त तालमा पौडी खेल्ने क्रममा राई डुबेका थिए । उनको घटनास्थलमै मृत्यु भएको प्रहरीले जनाएको छ । घटना सम्बन्धमा थप अनुसन्धान भईरहेको बताइएको छ ।
यता, सुनसरीको भोक्राहा नरसिंह ८ बाट लागुऔषधसहित स्थानीय २२ वर्षीय सुल्तसान अन्सारीलाई डाईलक्स डिसि १०० एम.एल.को १६ बोतल र नाईट्राभेट ३० ट्याबलेटसहित गएराति प्रहरीले पक्राउ गरेको छ ।
