महालक्ष्मी नगरपालिका द्वारा वृद्ध वृद्धाहरुलाई हट ब्याग र लौरो वितरण

धनकुटा / धनकुटा जिल्लाको महालक्ष्मी नगरपालिकाले नगर क्षेत्र भित्र रहेका वृद्ध वृद्धाहरुलाई हट ब्याग र लौरो वितरण गरेको छ ।

पहिलो चरणमा २८० वृद्ध वृद्धाहरुलाई तातोपानि हालेर सेक्नको लागि प्रयोग गरिने हट व्याग वितरण गरिएको नगर प्रमुख परशुराम नेपालले बताए ।

उनका अनुसार यो अर्थिक वर्षमा सबै वृद्ध वृद्धाहरुलाई वितरण गर्न नसके पनि नगरपालिकाले आगामि आर्थिक वर्षमा पनि यो कार्यक्रमलाई निरन्तरता दिने भएको छ ।

नगरप्रमुखले भने “नगर क्षेत्र भित्र रहनु भएका वृद्ध वृद्धाहरुलाई आथिर्क चापका कारण समस्या हुने भएकाले केही हद सम्म सहयोग पुगोस भन्ने उद्धेश्यले यो कार्यक्रम सञ्चालन गरिएको हो । ”