इटहरी । इलाका प्रहरी कार्यालय इटहरीले आइतबार हराएका तथा चोरी भएका बिभिन्न मोडलका मोबाइल सेटहरू सम्बन्धित धनिहरूलाइ बुझाएको छ ।
आइतबार प्रहरी कार्यालय परिषरमा पत्रकारहरू माझ सो मोबाइलहरू सम्बन्धित धनिलाइ बुझाएको हो । प्रहरीले बिभिन्न समयमा हराएको वा चोरी भएका ४५ थान मोवाइल सेट फेला पारी मोबाइल धनीहरूलाइ बुझाएको जनाएको छ ।
ईलाका प्रहरी कार्यालय ईटहरीमा सीडीआर शाखा स्थापना भएदेखि बिभिन्न ब्राण्डका अन्दाजी ५५ लाख ८६ हजार मुल्य बराबरका २ सय ३१ थान मोवाईल फेला पारी सम्बन्धीत धनीलाई बुझएको इलाका प्रहरी कार्यालय इटहरीका डिएसपी धर्मराज भण्डारीले बताए ।
माया मारिसकेको मोवाइल पुनः पाउदा सम्बन्धित धनीहरूले प्रहरीको काम प्रति खुशी ब्यक्त गर्दै धन्यवाद ज्ञापन गरेका थिए ।
