_1693980289.gif "#")
धनकुटा/ धनकुटाको महालक्ष्मी नगरपालिका–५ लेगुवाका ७१ वर्षीय बृद्ध रनबहादुर राईको हिड्दा हिड्दै बेहोस भएर मृत्यु भएको छ ।
मोरङको सुन्दरहरैंचा–४ स्थित छोरीको घरमा गएर छोरी ज्वाईसहित घर फर्कदै गरेका राईको धनकुटाको सहिदभूमि गाउँपालिका–१ त्रिवेणीमा हिड्दा हिड्दै बेहोस भएर मृत्यु भएको जिल्ला प्रहरी कार्यालय धनकुटाका प्रवक्ता डिएसपी ध्रुवकुमार श्रेष्ठले बताए । उनीहरु सुन्दरहरैंचाबाट बराहक्षेत्र–त्रिवेणी हुँदै भोजपुरको रामप्रसाद राई गाउँपालिका स्थित अर्की छोरीको घर जाँदै थिए ।
विश्वव्यापी महामारीको रुपमा फैलिएको कोरोना भाइरसको संक्रमण रोक्न गरिएको लकडाउनका कारण गाडी नचलेपछि उनीहरु मोरङको सुन्दरहरैचाबाट पैदल हिडेर भोजपुर जाँदै थिए ।
बाटोमा आउँने क्रममा तिर्खा लागेर बाटो नजिकैको पसलमा कोकाकोला किनेर खाएपछि पैसा तिर्न खोज्दा राई अचानक ढलेका थिए ।
अचानक ढलेर बेहोस भएका बृद्ध राईको घटनास्थलमा नै मृत्यु भएको प्रहरीले जनाएको छ ।
अचानक बेहोस् भएर मृत्यु भएका राईको शवलाई जिल्ला अस्पताल धनकुटा ल्याएर पोष्टमार्टम गरी आफन्तको जिम्मा लगाइएको प्रहरीले बताएको छ ।
मृत्यूको कारण खुल्न नसकेको प्रहरीले बताएको छ ।
