सुनसरीमा एक भारतीय नागरिक सहित ३ जना कोरोना संक्रमित थपिए

धरान । भारतबाट काम गर्न फर्किएका एक भारतीय नागरिक सहित सुनसरीमा ३ जनामा कोरोना संक्रमण पुष्टि भएको छ ।

प्रदेश जनस्वास्थ्य प्रयोगशालामा गरिएको परिक्षणमा उनीहरुको कोरोना संक्रमण पुष्टि भए संगै सुनसरीमा कोरोना संक्रमितको संख्या ४६ पुगेको छ ।

सुनसरीको हरिनगर क्वारेन्टाइनमा बसेका ३ जनामा संक्रमण देखिएको हो । संक्रमण देखिने हरुमा भारत घर भई सुनसरीमा रोजगारी गर्दै आएका एक भारतीय नागरिक रहेका छन् । उनी रोजगारीका लागि सुनसरी फर्केका थिए । हरिनगरमै बस्दै आएका उनी भारतबाट फर्के पछि स्थानीयले क्वारेन्टाइनमा लगेर राखेका थिए ।

त्यसै गरि रोजगारीका लागि भारत गएका हरिनगरकै एक जना र रामधुनीका १ जनामा पनि संक्रमण पुष्टि भएको छ । उनीहरु गत जेठ १८ र २१ गते सुनसरी फर्केका थिए ।