वीपीको अर्थो अब्जरभेरसन वार्डमा भेटिएकी बराहक्षेत्रकी संक्रमित बालिकाको सम्पर्कमा रहेका सबैको पिसिआर रिपोर्ट नेगेटिभ

धरान बराहक्षेत्र बाट खुट्टा भाँचिएर उपचारको लागि धरान स्थित वीपी कोइराला स्वास्थ्य विज्ञान प्रतिष्ठानको अर्थो अब्जरभेसन वार्डमा रहेकी बालीकाको सम्पर्कमा आएका सबै स्वास्थ्यकर्मी र वार्डका विरामीहरुको पिसिआर रिपोर्ट नेगेटिभ आएको छ ।

बालिकाको अप्रेशन गर्नुअघि कोरोना परीक्षण गर्दा कोरोना पोजेटिभ आएपछि उपचारमा संलग्न स्वास्थ्यकर्मीसँगै वार्डका अन्य विरामीहरुको स्वाब संकलन गरिएको थियो ।

स्वाब संकलन गरिएको सबै ५९ जनाको रिपोर्ट नेभिटिभ आएको हाडजोर्नी विभागका प्रमुख डा.पशुपति चौधरीले जानकारी दिए ।

डा.चौधरीका अनुसार यसअघि पनि डिस्इन्फेक्ट भइसकेकोले चिन्ता लिनु नपर्ने बताए ।

उनका अनुसार सावधानी अपनाउनकै लागि वार्डमा रहेकासबै विरामीको व्यवस्थापन गरिसकेर मात्र भर्ना लिने विभागको निर्णय भएको छ ।