विवादास्पत मिलेनियम च्यालेन्ज कर्पोरेसन (एमसीसी) बारे छलफल गर्न नेपाल कम्युनिस्ट पार्टी (नेकपा) सोमबार सचिवालय समितिको बैठक बोलाएको छ ।
सचिवालय बठैक प्रधानमन्त्री निवास बालुवाटारमा ४ बजेका लागि बोलाइएको हो ।
प्रधानमन्त्री एवं नेकपाका अध्यक्ष केपी शर्मा ओली एमसीसी पक्षमा छन् भने अर्का अध्यक्ष प्रचण्डसहितका नेताहरुले एमसीसीबारे अध्ययन गर्न पार्टीले वरिष्ठ नेता झलनाथ खनालको नेतृत्वमा बनाएको कार्यदलको प्रतिवेदनबारे स्थायी कमिटीमा छलफल गर्नुपर्ने बताउँदै आएका छन् ।
उक्त कार्यदलले एमसीसी सम्झौता परिर्माजन नगरी संसदबाट पास गर्न नहुने सुझाव दिएको छ ।
