_1693980289.gif "#")
धरान । दलित समुदायका मुद्धाहरुले अझै पनि संञ्चारक्षेत्रमा स्थान पाउन नसकेको भन्दै धरानमा दलित समुदायका पत्रकारहरुलाई १ दिने दलित मुद्धामा खोजपत्रकारिता तालिम प्रदान गरिएको छ ।
घटना विषेश समाचारहरुले मात्रै स्थान पाउँदै आएकाले दलित समुदायका आर्थिक, सामाजिक, राजनितिक, शैक्षिक मुद्धाहरुमा पनि कलम चलाउन सुनसरीका दलित समुदायका पत्रकार सहित गैह्रदलित पत्रकारहरुलाई मुद्धा केन्द्रित तालिम प्रदान गरिएको हो ।
पिस मिडिया ग्रुप धरानको आयोजनामा राष्ट्रिय दलित पत्रकार संघ सुनसरीको संयोजनमा प्रदेश नम्बर १ की प्रदेश सभा सदस्य उमिता बराइलीको निर्वाचन क्षेत्र विकाश कोषबाट विनियोजित बजेटबाट तालिमको आयोजना गरिएको हो । तालिमको सहजिकरण प्रदेशका अग्रज पत्रकार गणेश लम्सालले सहजिकरण गरेका थिए ।
तालिमका सहभागि पत्रकार भोजराज श्रेष्ठले समुदायले आफैले पनि मुद्धालाई उजागार गर्नुपर्ने बताए । बजारमा बिक्ने किसिमको समाचारहरु लेखिएमा पत्रपत्रिकामा स्थान पाउने उनले बताए ।
तालिममा सुनसरीका दलित समुदाय तथा गैह्रदलित समुदायका करिब २५ जना पत्रकारहरुको सहभागिता रहेको थियो ।
तालिमले दलित सवाल र समस्यालाई उजागार गर्न टेवा पुग्ने विश्वास लिइएको छ । छुवाछुतका घटनाहरु मात्रै समाचार बन्ने प्रवृत्तिले मुखय मुद्धाहरु ओझेलमा परेकै कारण विभेदका घटनाहरु भइरहेकाले मुद्धा केन्द्रित तालिमको आयोजना गरिएको संघका सुनसरी जिल्ला अध्यक्ष दिनेश गजमेरले बताए ।
तालिममा सुनसरीको इटहरी, धरानका विभिन्न सञ्चारक्षेत्रमा कार्यरत सञ्चारकर्मीहरुको उपस्थिती रहेको थियो ।
