_1693980289.gif "#")
सन् २०२० मा सर्वाधिक कमाइ गर्ने कलाकारको सय धनाढ्यको सूचीमा बलिउड नायक अक्षय कुमार परेका छन् ।
फोर्ब्स म्यागेजिनले निकालेको सन् २०२० मा सर्वाधिक कमाइ गर्ने कलाकारको सूचीमा बलिउडबाट नायक अक्षय कुमार मात्र परेका छन्।
अक्षय यो सूचीको ५२ औं नम्बरमा छन् । फोर्ब्सका अनुसार उनले ४८.५ मिलियन डलर आम्दानी गरेका छन् ।
अक्षयले हलिउड सेलिब्रिटी जेनिफर लोपेजलाई पनि उछिनेका छन् । अक्षय कुमारले चलचित्र, विज्ञापनको माध्यमबाट आम्दानी गर्दै आएका छन् ।
एक वर्षकै ४ वटासम्म चलचित्रमा अभिनय गर्ने अक्षयलाई अहिले विज्ञापनको पनि कमी छैन ।
सामाजिक कथामा आधारित चलचित्रमा काम गरेपछि उनको करिअर झन चम्किएको छ । यसैले उनको ब्रान्ड भ्यालु पनि बढेको छ ।
उक्त सूचीको पहिलो नम्बरमा केली जेनरको नाम छ । उनले यो वर्ष पाँच सय ९० मिलियन डलर आम्दानी गरेकी छिन् ।
