_1693980289.gif "#")
प्रिमियर लिग क्लब लिभरपुलका स्टार खेलाडी साडियो माने पछिल्लो समय उत्कृष्ट खेलाडीका रूपमा चिनिन्छन् । उनले लिगका धेरै खेलमा उत्कृष्ट प्रदर्शन गरेका छन् । लिभरपुललाई गत सिजन च्याम्पियन्स लिग जिताउन उनको महत्त्वपूर्ण योगदान थियो ।
यो सिजन पनि मानेले आफ्नो प्रदर्शनलाई यथावत् राखेका छन् । उनी अघिल्लो सिजनभन्दा यो सिजन झनै उत्कृष्ट भएर निस्केका थिए । मानेजस्तै हुने प्रेरणा धेरै युरोपियन क्लबका खेलाडीमा हुन्छ । त्यस्तै साउथ ह्याम्प्टनका खेलाडी डिजेन्पोले पनि आफू मानेजस्तै हुने बताएका छन् ।
उनले मानेको खेल खेल्ने तरिका उत्कृष्ट भएकाले आफूले पछिल्लो समय मानेजस्तै हुने योजना बनाएको बताए । साथै उनले माने विश्वकै उत्कृष्ट अट्याकरमा पर्ने पनि बताए ।
“माने मेरा लागि ठूलो प्रेरणाका स्रोत बनेका छन् । उनी धेरै ठूलो खेलाडीका रूपमा स्थापित छन् । मलाई पनि उनकोजस्तै खेल प्रदर्शन गर्ने विचार छ ।
यदि मैले धेरै मिहिनेत गरें भने उनीभन्दा उत्कृष्ट प्रदर्शन गर्ने खेलाडी हुनसक्छु,” डिजेन्पोले स्पोर्टस्सँगको कुराकानीमा भने ।
_Poush 22_1736170149.jpg "#")
_1734253975.jpg "#")
