कपिलवस्तुका १५ जनाले जिते कोरोना

कपिलवस्तु जेठ १६ कपिलवस्तु जिल्लाका थप ४ जना कोरोना संक्रमण मुक्त भएका छन्। कोरोना विषेश अस्पताल दाङमा उपचाररत कृष्णनगर नगरपालिकाका ३ जना र शिवराज नगरपालिकाका १ जना कोरोनामुक्त भएका हुन्।

यसअघि गत आइतबार कोरोना बिशेष अस्पताल बुटवलबाट १० जना संक्रमित निको भएर घर फर्किएका थिए। जसमा बुद्धभुमी नगरपालिकाका १ जना पुरुष, कपिलवस्तु नगरपालिकाका ३ जना पुरुष, मायाँदेबी गाउपालिकाका ३ जना पुरुष र यशोधरा गाउपालिका ३ जना पुरुष थिए।

त्यस्तै, कपिलबस्तु अस्पतालमा कार्यरत नर्सले पनि कोरोना जितेर घर फर्किएका छन्। यससंगै कपिलवस्तुमा निको हुनेको संख्या १५ पुगेको जिल्ला स्वास्थ्य कार्यालय कपिलबस्तुका फोकन पर्सन कुमार थापाले जानकारी दिए।

कपिलबस्तुका १० वटै स्थानिय तह अहिले कोरोनाको उच्च जोखिममा छन्। सबै स्थातीय तहमा गरी १ सय ३६ जना कोरोना संक्रमित छन्।