जाजरकोट घटना छानविन गर्न सहसचिवको संयोजकत्वमा समिति गठन

काठमाडौं । जाजरकोटमा भएको दर्दनाक घटनाको छानविन गर्नका लागि सरकारले गृह मन्त्रालयका सहसचिवको संयोकत्वमा ५ सदस्यीय समिति गठन गरेको छ ।

गृहमन्त्री रामबहादुर थापाले दलित युवाले मल्ल थरकी युवतीसँग विवाह गर्न खोज्दा भएको घटनाबारे छानविन गर्न समिति गठन गरिएको बताउनु भएको छ । गृहमन्त्री थापाले राष्ट्रियसभाको मंगलबारको बैठकमा त्यसबारे जानकारी गराउनु भएको हो ।

सहसचिव संयोजक रहेको समितिमा प्रहरी वरिष्ठ उपरीक्षक, राष्ट्रिय अनुसन्धान विभागका अधिकृत प्रतिनिधि, महान्यायाधिवक्ताको कार्यालयका अधिकृत प्रतिनिधि र गृह मन्त्रालयका उपसचिवलाई राखिएको छ । गृहमन्त्रीले जाजरकोटका १९ जनाको समूह युवती भगाउन रुकुम पश्चिम गएको र त्यसै क्रममा युवती पक्षकाले आक्रमण गरेको जानकारी दिनुभएको छ । २ हप्ता भित्रमा छानबिन गरी प्रतिवेदन पेश गर्न समितीलाई निर्देशन दिएको गृहमन्त्रीले बताए ।

साथै उनले छानबिनमा राज्यको तर्फबाट कुनै पनि राजनितिकरण हुने छैन् भन्ने प्रतिवद्धता जनाएका छन् ।
युवती भगाउने युवक नवराज विकसहित ३ जनाको शव भेटिएको र ३ जना बेपत्ता रहेको उहाँले बताउनु भयो । अन्यलाई सामान्य सोधपुछपछि प्रहरीले छोडेको पनि उहाँले जानकारी दिनुभयो । गृहमन्त्रीले कानुनी राज्य स्थापना गर्नेमा सरकार दृढ रहेको दावी समेत गर्नुभयो । घटनामा संलग्न १२ जना पक्राउ परेको उहाँले उल्लेख गर्नुभयो । युवतीका आमाबुबा, वडाअध्यक्ष हुन्