_1693980289.gif "#")
लागुऔषध तस्करीहरु सँग झडप हुँदा महोत्तरी स्थित रामगोपालपुर नगरपालिकाका एक व्यक्तिको मृत्यु भएको छ ।
लागुऔषध कारोबारमा संलग्न रहेका रामगोपालपुर ७ का राजन यादवको मृत्यु भएको प्रहरीले जनाएको छ ।
प्रहरी र तस्करबीच नगरपालिकाको वडा नम्बर ७ सहसौलामा आइतबार राति झडप भएको थियो ।
उनी लागुऔषध कारोबारीसँग रहेको प्रहरी उपरीक्षक श्यामकृष्ण अधिकारीले बताए । लागुऔषध कारोबारी भनिएका त्यही ठाउँ बस्ने ५० वर्षीय सुरेन्द्र र २७ वर्षीय राहुल यादवलाई पक्राउ परेको प्रहरीले जनाएको छ ।
लकडाउनका बेला ठूलो मात्रामा लागुऔषध कारोबार भइरहेको सूचना पाएपछि प्रहरी राति त्यस ठाउँमा गएको हो । प्रहरीले घर घेरेर लागूऔषधबारे अनुसन्धान गर्न खोज्दा तस्कर समूहले आक्रमण परेपछि झडप भएको थियो ।
प्रहरीले आत्मरक्षाका लागि गोली चलाउँदा राजनको घटनास्थलमै मृत्यु भएको प्रहरी उपरीक्षक अधिकारीले जानकारी दिए ।
घटनास्थलबाट केही मात्रामा लागुऔषध नाइट्रोभेट बरामद गरिएको प्रहरीले जनाएको छ । झडपमा प्रहरी हवल्दार सञ्जीव पासवान तथा जवानद्वय रामविहारी पासवान, मनोज साह र लालबाबु यादव घाइते भएका छन् । उनीहरुको जिल्ला अस्पताल जलेश्वरमा भइरहेको प्रहरीले जनाएको छ ।
