प्रदेश सरकारले प्रदेश १ को बर्खे अधिवेशन जेठ १४ गतेबाट शुरु हुने भएको छ ।
प्रदेश मन्त्रिपरिषद् बैठकले सोमबार जेठ १४ गते अपरान्ह २ बजेका लागि प्रदेशसभाको छैटौं तथा बर्खे अधिवेशन आह्वान गर्ने निर्णय गरेको हो । प्रदेश सरकारका प्रवक्ता एवं आन्तरिक मामिला तथा कानुनमन्त्री हिक्मतकुमार कार्कीले अधिवेशनको तयारी तीव्र पारिएको जानकारी दिएको छ ।
अधिवेशनमा आर्थिक वर्ष २०७७÷७८ को नीति तथा कार्यक्रम र बजेट प्रस्तुत हुनेछ । अविधेशन साविककै प्रदेशसभा हलमा हुनेछ । केही प्रदेश सांसदहरुलाई भने माथिल्लो तलामा बैठकको स्क्रिनमा प्रत्यक्ष हेर्ने व्यवस्था प्रदेशसभा सचिवालयले गरेको छ ।
प्रदेश १ मा ९३ जना सांसद छन् । कोरोना संक्रमणको कारण सामाजिक दूरी कायम गर्दै बैठक चल्ने प्रदेशसभा सचिवालयले जनाएको छ ।
