धरान । अवैध रुपमा भरुवा बन्दुक घरमा लुकाई राखिएको अवश्थामा इलाका प्रहरी कार्यालय धरानले वडा नम्बर ४ देवी गाउँबाट एक युवालाई पक्राउ गरेको छ ।
धरान उपमहानगरपालिकाको वडा नम्बर ४ देवी गाउँ बस्ने वर्ष २० का सुर्य राईलाई पक्राउ गरेको हो । अवैध हातहतियार राखेको भन्ने विशेष सुचनाको आधारमा पुगेको प्रहरीको टोलिले भरुवा बन्दुक १ थान, घरेलु नाल सहितको कटुवा बन्दुक जस्तै देखिने नाल १, काठको डमी राइफल २ थान बरामद गरेको थियो ।
राईलाइ बुधबार प्रहरीले पक्राउ गरी सुनसरी जिल्ला अदालतबाट हातहतियार मुद्धामा म्याद थप गरि अनुसन्धान अघि बढाएको ईप्रका धरानका प्रमुख डिएसपी ढुण्डिराज न्यौपानेले बताए ।
