धरान । कोरोना संक्रमणको जोखिमबाट बच्न सरकारले लकडाउनको घोषणा गरे सँगै विपन्न परिवारलाई राहत वितरणमा सक्रिय रहेको धरान स्थित ह्वाइट हाउसले सोमबार इनरुवाका विभिन्न वडामा रहेका विपन्न परिवारलाई राहत स्वरुप खाद्यान्न वितरण गरेको छ ।
ह्वाइट हासउद्वारा संचालित निशुल्क माक्स, डिटोल साबुन तथा खाद्यान्न समाग्री वितरण अभियान अन्तर्गत सोमबार इनरुवाका वडा न ४ र १ का १ सय २० घर परिवारलाई राहत वितरण गरेको हो । ह्वाइट हाउसका संचालक तथा अभियन्ता अरुण प्रधानका अनुसार इनरुवाको रेडक्रस वस्तीका ८० घर मुशहर समुदाय र इनरुवा १ शान्तिचोकका अति बिपिन्न मजदुरी गरिखाने ४० परिवार गरि जम्मा १२० परिवारलाई राहत वितरण गरिएको हो । १ सय २० घर परिवारका लागि १२ सय केजि चामल, ६० केजि दाल, ६० लिटर तेल, ६० केजि सोयाबिन, १ सय २० पिस डिटोल साबुन र माक्स २ सय ५० पिस वितरण गरिएको उनले बताए । करिब ९१ हजार २ सय १० रुपैया मुल्य बराबरको राहत वितरण गरिएको उनको भनाई छ ।
इनरुवामा राहत वितरण गर्नका लागि काठमाडौबाट रमेश श्रेष्ठ उनकी श्रीमति लिला मास्केको समुहबाट ३० हजार बेलायतबाट रश्मिता दर्लामीबाट १४ हजार ९ सय ६७ दुबई बाट बिकास गिरिले ४ हजार, काठमाडौकी सुचिता श्रेष्ठले ४ हजार, याक्थुङ सिङगक फाउन्डेसन मिना सिङगकले ५ हजार गरि जम्मा ५८ हजार ९ सय ६७ रुपैया संकलन भएको थियो । बाँकी रकम प्रधान आफैले ह्वाईट हाउसको तर्फबाट खर्च गरेका थिए ।
इनरुवा वडा न ४ का कार्यवाहक अध्यक्ष लक्ष्मी बर्मा लगायत जनप्रतिनिधीहरुको रोहबारमा स्थानीय समाजसेवी, सामाजिक अभियन्ता, उद्योग वाणिज्य संघका प्रतिनिधीहरुको उपस्थिती रहेको थियो ।
