_1693980289.gif "#")
धरान पर्साको वीरगन्जमा थप १७ जनामा कोरोना संक्रमण पुष्टि भएको छ ।
यो सँगै नेपालमा संक्रमितको संख्या ९९ पुगेको छ ।
राष्ट्रिय जनस्वास्थ्य प्रयोगशालामा गरिएको परीक्षणमा पर्साका १७ जनाको रिपोर्ट पोजिटभ आएको स्वास्थ्य तथा जनसंख्या मन्त्रालयका प्रवक्ता डा. विकास देवकोटाले जानकारी दिए ।
संक्रमितहरु २ महिनादेखि ६६ वर्षसम्मका भएको र संक्रमण पुष्टि भएकाहरुमध्ये १० जना पुरुष र ७ जना महिला रहेको प्रवक्ता देवकोटाले जानकारी दिए ।
नेपालमा देखिएका ९९ संक्रमितहरु मध्ये ७१ जना पुरुष र २८जना महिला छन् ।
संक्रमित ९९ मध्ये २२ जना उपचार पछि निको भएर अस्पतालबाट फर्किएका छन् ।
बुधबार बिहान मात्र कोरोना विशेष कोशी अस्पताल बिराटनगरमा उपचाररत ६ जना भारतीय मुस्लिम जमाती कोरोना मुक्त भएका हुन् ।
यस्तै वैशाख ११ र १४ गते उपचारपछि निको भएर डिस्चार्ज भएका ३ जनामा पुनः परीक्षण गर्दा पोजेटिभ देखिएको छ । उनीहरुलाई उपचारका लागि पुन अस्पताल भर्ना गरिएको छ ।
अहिले उपत्यका भित्र ७ र बाहिर १ सय २९ गरी १ सय ३६ जना शंकास्पद व्यक्ति आइसोलेसनमा उपचाररत छन ।
देशभरी १९ हजार ७ सय ३४ जना क्वारेन्टाइनमा रहेका छन् ।
प्रवक्ता डा. विकास देवकोटाका अनुसार हालसम्म पिसिआर विधिबाट १४ हजार ९६ परीक्षण भएको छ ।
यस्तै आरडिटी विधिबाट ५२ हजार ९ सय ७० जनाको परीक्षण भएको छ । पछिल्लो २४ घण्टामा ९ सय ९१ जनाको परीक्षण भएको छ ।
_Poush 22_1736170149.jpg "#")
_1734253975.jpg "#")
